John 6:22 — Compare Translations

Ilonggo (Ang Biblia (1982))

Sa madason nga adlaw ang katawohan nga nagpabilin sa tabok sang dagat nakakita nga may isa lamang ka sakayan didto, kag nga si Jesus wala magsakay sa sakayan upud sa iya mga gintoton-an, kondi nga ang iya mga gintoton-an nagtaliwan nga sila lamang.

Ilonggo (Maayong Balita nga Biblia (2012))

Sang madason nga adlaw, ang mga tawo nga nagpabilin sa tabok sang linaw nakatalupangod nga isa na lang ang sakayan nga nabilin didto. Nahibaluan nila nga si Jesus wala magsakay sa sakayan upod sa iya mga gintuton-an, kundi nga naghalin sila nga silahanon lang.

Ilonggo APD 2022 (Ang Pulong Sang Dios)

Sang sunod nga adlaw, ang mga tawo wala pa gid naghalin didto sa lugar nga ginpakaunan sa ila sang Ginoo sang tinapay nga iya ginpasalamatan sa Dios. Nahibaluan nila nga sang gab-i nga nagligad may isa lang ka sakayan, kag amo ato ang ginsakyan sang mga sumulunod ni Jesus. Nahibaluan man nila nga si Jesus wala nagsakay upod sa iya mga sumulunod. Karon, may nag-abot didto nga mga sakayan nga halin sa Tiberias.