John 8:28 — Compare Translations

Ilonggo (Ang Biblia (1982))

Gani si Jesus nagsiling, “Kon mabayaw ninyo ang Anak sang tawo, niyan mahibaloan ninyo nga ako amo sia, kag nga ako wala nagahimo sing bisan ano sa akon kaugalingon nga pagbulut-an, kondi sono sa gintudlo sa akon sang Amay ginapamolong ko ining mga butang.

Ilonggo (Maayong Balita nga Biblia (2012))

Gani nagsiling sia sa ila, “Kon inyo na mabayaw ang Anak sang Tawo, makilala ninyo nga ‘Ako Amo Ako’. Sa sadto nga tion mahibaluan ninyo nga wala ako sing ginahimo nga akon-akon lamang, kundi nga ang akon ginahambal amo lamang ang gintudlo sa akon sang Amay.

Ilonggo APD 2022 (Ang Pulong Sang Dios)

Gani nagsiling si Jesus sa ila, “Kon ibayaw na ninyo ako nga Anak sang Tawo, mahibaluan na ninyo nga ako gali amo ang Cristo. Sa sina nga tion mahibaluan man ninyo nga ang tanan nga akon ginahimo kag ginasugid wala sing iban kundi ang mga butang nga ginapahimo kag ginapasugid sa akon sang Amay.