Joshua 12:1 — Compare Translations

Ilonggo (Ang Biblia (1982))

Karon amo ini sila ang mga hari sang duta, nga ginlaglag sang katawohan sang Israel, kag ang ila duta ginpanag-iyahan sa tabok sang Jordan nayon sa bulutlakan sang adlaw, kutub sa nalupyakan sang Arnon tubtub sa Bukid nga Hermon, kag ang bug-os nga Araba nayon sa sidlangan:

Ilonggo (Maayong Balita nga Biblia (2012))

Ang mga tawo sang Israel naglutos kag nagpanag-iya sang kadutaan sa sidlangan sang Jordan, halin sa Kapatagan sang Arnon tubtob sa Kapatagan sang Jordan tubtob sa Bukid sang Hermon. Duha ka mga hari ang ginpanglutos sang mga Israelinhon:

Ilonggo APD 2022 (Ang Pulong Sang Dios)

Nasakop na sang mga Israelinhon ang mga duta sa east sang Jordan, halin sa Arnon nga ililigan sang tubig hasta sa Bukid sang Hermon, lakip na diri ang duta sa east sang Kapatagan sang Jordan. Amo ini ang mga hari sa sadto nga mga lugar nga ginpierdi sang mga Israelinhon: Si Sihon nga Amornon nga nagaestar sa Heshbon. Sakop sang iya ginharian ang katunga sang Gilead. Ini halin sa Aroer sa higad sang Arnon nga ililigan sang tubig, kag halin sa tunga sini hasta sa Jabok nga ililigan sang tubig, ang border sang mga Ammonhon.