Joshua 17:4 — Compare Translations

Ilonggo (Ang Biblia (1982))

Sila nagpalapit sa atubangan ni Eleazar nga sacerdote kag sa atubangan ni Josue nga anak ni Nun kag sa atubangan sang mga principe, kag nagsiling, “Ang Ginoo nagsogo kay Moises nga hatagan kami sing panublion sa tunga sang amon mga utud.” Busa ginhatagan sila niya sing panublion sa tunga sang mga utud sang ila amay sono sa sogo sang Ginoo.

Ilonggo (Maayong Balita nga Biblia (2012))

Nagkadto sila kay Eleazar nga pari, kay Josue nga anak ni Nun, kag sa mga pangulo, kag nagsiling, “Ang Ginoo nagsugo kay Moises nga hatagan kami kag ang amon mga pariente nga lalaki sang bahin sang duta nga mangin-amon pagapanag-iyahan.” Gani, suno sa ginsugo sang Ginoo, sila kag ang ila mga pariente nga lalaki ginhatagan sing duta nga mangin-ila pagapanag-iyahan.

Ilonggo APD 2022 (Ang Pulong Sang Dios)

Nagkadto sila kay Eleazar nga pari, kay Josue nga anak ni Nun, kag sa mga pangulo kag nagsiling, “Nagsugo ang Ginoo kay Moises nga hatagan kami sang duta pareho sa amon mga paryente nga lalaki.” Gani ginhatagan sila sang ila parte suno sa ginsugo sang Ginoo.