Joshua 7:26 — Compare Translations

Ilonggo (Ang Biblia (1982))

Kag natumpok nila sa ibabaw niya ang isa ka dakung tinumpok sang mga bato tubtub sining adlaw; niyan ang Ginoo nagtalikod sa kasingkal sang iya kaakig. Busa ginhingalanan ang duug, ang Nalupyakan sang Acor, tubtub sining adlaw.

Ilonggo (Maayong Balita nga Biblia (2012))

Gintabunan nila sia sang daku nga tinumpukan sang mga bato nga ara pa didto tubtob sa sini nga adlaw. Gani yadto nga lugar ginatawag tubtob sini nga adlaw nga Kapatagan sang Kahul-anan. Dayon nagtahaw ang kaakig sang Ginoo.

Ilonggo APD 2022 (Ang Pulong Sang Dios)

Pagkatapos gintabunan nila si Acan sang mga bato. Ara pa ining mga bato hasta subong. Kag ang ato nga lugar ginatawag nga Kapatagan sang Acor hasta subong. Dayon nadula ang kaakig sang Ginoo.