Joshua 8:14 — Compare Translations

Ilonggo (Ang Biblia (1982))

Kag sang nakita ini sang hari sang Ai nagdalidali sila kag nagbangon sing aga pa, kag naggowa sa pag-awayan batok sa Israel, sia kag ang bug-os niyang katawohan, sa pinat-ud nga tion sa atubangan sang Araba; apang wala sia makahibalo nga may puut batok sa iya sa likod sang banwa.

Ilonggo (Maayong Balita nga Biblia (2012))

Sang makita sang hari sang Ay ang mga tinawo ni Josue, sa gilayon naghulag sia. Sia kag ang tanan niya nga mga tinawo naggwa pakadto sa Kapatagan sang Jordan sa pagpakig-away batok sa mga Israelinhon sa lugar nga ila man gin-awayan sang una. Wala niya mahibal-i nga pagasalakayon sia halin sa nalikod nga bahin sang siudad.

Ilonggo APD 2022 (Ang Pulong Sang Dios)

Sang makita sang hari sang Ai sila ni Josue, nagdali-dali siya guwa kag ang iya mga tinawo sa banwa aga pa, kag nagkadto sa lugar nga nagaatubang sa Kapatagan sang Jordan sa pagpakig-away sa Israel. Wala sila nakahibalo nga may magsalakay sa ila halin sa likod sang banwa.