Joshua 8:31 — Compare Translations

Ilonggo (Ang Biblia (1982))

subong sang ginsogo ni Moises nga alagad sang Ginoo sa katawohan sang Israel, subong sang nasulat sa tolon-an sang kasogoan ni Moises, “Isa ka halaran sang mga bato nga wala mabasbasi, nga wala magamiti sang bisan sin-o nga tawo sang salsalon”; kag nagdolot sila sa ibabaw sini sing mga halad-nga-sinonog sa Ginoo, kag naghalad sing mga halad-sa-paghidait.

Ilonggo (Maayong Balita nga Biblia (2012))

Ginhimo niya ini suno sa mga sugo nga ginhatag ni Moises nga alagad sang Ginoo, sa mga Israelinhon, suno sa ginasiling sa Kasugoan ni Moises: “ang altar nga nahimo sa mga bato nga wala makaagi kihad sang mga gamit nga salsalon.” Nagdulot sila sa sini nga altar sing mga halad nga sinunog para sa Ginoo, kag nagdulot man sila sing mga halad sa paghiambit.

Ilonggo APD 2022 (Ang Pulong Sang Dios)

Ginpahimo niya ini suno sa sugo ni Moises, nga alagad sang Ginoo, sa mga Israelinhon. Ini nga sugo nasulat sa Libro sang Kasuguan ni Moises, kag amo ini ang ginasiling didto: “Maghimo ka sang halaran nga bato nga wala masapsapi ukon makortihan sang gamit nga salsalon.” Sa ibabaw sang halaran naghalad sila sa Ginoo sang mga halad nga ginasunog kag mga halad nga para sa maayo nga relasyon.