Judges 14:15 — Compare Translations

Ilonggo (Ang Biblia (1982))

Sa ikapito nga adlaw nagsiling sila sa asawa ni Samson, “Oloolohi ang imo bana agud nga mapatpat niya sa amon ang paktakon, basi sonogon ka namon kag ang balay sang imo amay sa kalayo. Gin-agda bala kami ninyo sa pagpaimol sa amon? Indi bala?”

Ilonggo (Maayong Balita nga Biblia (2012))

Sang ikap-at nga adlaw ginsingganan nila ang asawa ni Samson, “Utisa ang imo bana nga sugiran kami sang kahulogan sang paktakon. Kon indi ka, sunogon namon ang balay sang imo amay asta ikaw. Kamo nag-agda sa amon agod paimulon kami. Indi bala matuod ini?”

Ilonggo APD 2022 (Ang Pulong Sang Dios)

Sang ikaapat na nga adlaw, ginsilingan nila ang asawa ni Samson, “Kombinsiha ang imo bana nga isugid niya sa imo ang sabat sa paktakon para mahibaluan namon. Kon indi, sunugon ka namon pati ang panimalay sang imo amay. Gin-imbitar bala ninyo kami sa sini nga punsyon para kuhaan sang pagkabutang?”