Judges 18:14 — Compare Translations

Ilonggo (Ang Biblia (1982))

Niyan ang lima ka lalaki nga nagkadto sa paglampitaw sang duta sang Lais, nagsiling sa ila mga utud, “Wala bala kamo makahibalo nga sa sining mga balay may efod kag terafim, kag larawan nga tinigban, kag larawan nga tinunaw? Busa karon, patugsilingi kon ano ang himoon ninyo.”

Ilonggo (Maayong Balita nga Biblia (2012))

Dayon ang lima ka mga lalaki nga naglakat sa pagpanilag sa kadutaan sa palibot sang Lais, nagsiling sa ila mga kaupdanan, “Nakahibalo bala kamo nga sa isa sini nga mga balay may isa ka diosdios nga kahoy nga nahaklapan sing pilak? May iban man nga mga diosdios, kag may mga bestidora para sa ila. Ano bala sa hunahuna ninyo ang aton himuon?”

Ilonggo APD 2022 (Ang Pulong Sang Dios)

Dayon, atong lima ka lalaki nga nagpang-espiya sa Laish nagsiling sa ila mga kaupod, “Nakahibalo bala kamo nga ang isa sa mga balay diri may espesyal nga panapton sang pari, may imahen nga nahaklapan sang pilak, kag iban pa nga mga dios-dios? Ano ayhan ang maayo ta nga himuon?”