Judges 18:2 — Compare Translations

Ilonggo (Ang Biblia (1982))

Gani ang mga anak ni Dan nagpadala gikan sa ila panimalay sing lima ka lalaki gikan sa bug-os nila nga kadamuon, mga lalaking isganan, kutub sa Zora kag sa Estaol, sa paglampitaw sang duta kag sa pag-usisa sini; kag nagsiling sila sa ila, “Lakat kamo, usisaon ninyo ang duta.” Kag nag-abut sila sa kabakoloran sang Efraim, sa balay ni Mica, kag nagdayon didto.

Ilonggo (Maayong Balita nga Biblia (2012))

Gani ang mga kaliwat ni Dan nagpili sing lima ka mga lalaki nga maisog gikan sa tanan nga panimalay sa tribo, kag ginpadala sila halin sa mga banwa sang Zora kag Estaol, kag ginsugo sa pag-usisa sang duta kag sa pagpanilag sa mga pumoluyo. Sang pag-abot nila sa kabakuloran sang Efraim nagtener sila sa balay ni Miqueas.

Ilonggo APD 2022 (Ang Pulong Sang Dios)

Gani nagpadala ang mga kaliwat ni Dan sang lima ka maisog nga mga lalaki halin sa ila pamilya sa pagpangita sang ila maestaran. Ining lima ka lalaki naghalin sa mga banwa sang Zora kag Eshtaol. Sang naglakat na sila sa pagpangita sang lugar, nakaabot sila sa balay ni Micas sa kabukiran sang Efraim, kag didto sila nagtulog.