Judges 19:9 — Compare Translations

Ilonggo (Ang Biblia (1982))

Kag sang nagtindug ang lalaki sa pagtaliwan kag ang iya babayi kag ang iya alagad, ang iya ugangan, ang amay sang pamatan-on nga babayi, nagsiling sa iya, “Yari karon, ang adlaw nagapalapit sa kagab-ihon; ginaampo ko sa imo pabilin kamo sa bug-os nga gab-i. Yari karon, ang adlaw nagahingapus; pabilin ka diri agud nga magkalipay ang imo tagiposoon; kag buwas bugtaw kamo sa inyo dalanon, agud nga makapauli ka.”

Ilonggo (Maayong Balita nga Biblia (2012))

Sang manuglakat na ang lalaki, ang iya babayi, kag ang iya suloguon, nagsiling ang amay, “Tan-awa hapon na gid ini kaayo, maayo pa magtener na lang kamo sa bug-os nga gab-i. Madulom na dugaydugay, magpabilin na lang anay kamo diri kag magpangalipay. Buas, aga pa kamo bugtaw, agod makalakat kamo kag magpauli.”

Ilonggo APD 2022 (Ang Pulong Sang Dios)

Sang malakat na ang Levita, ang iya asawa, kag ang iya suluguon, nagsiling ang iya ugangan, “Hapon na kag dugay-dugay dulom na. Maayo pa diri na lang kamo liwat matulog. Magkinalipay anay kamo diri, kag buwas aga pa kamo magpuli.”