Judges 2:19 — Compare Translations

Ilonggo (Ang Biblia (1982))

Apang sang napatay ang hukom, nagbalik sila kag naggawi sing labi pa kadunut sa ila mga ginikanan, sa pagsonod sa iban nga mga dios, sa pag-alagad sa ila kag sa pagyaub sa ila; wala sila mag-untat sa ila mga ginahimo ukon sa ila binatinggilan nga mga paagi.

Ilonggo (Maayong Balita nga Biblia (2012))

Pero kon mapatay ang ila hukom, nagabalik ang mga tawo sa ila daan nga mga pagginawi, kag nagahimo sing sobra pa kalain sang sa nagligad nga kaliwatan. Nagasunod sila sa iban nga mga dios, nagaalagad kag nagasimba sila sa ila. Nagpadayon sila sa pagkabatinggilan, nga nagahimo sing mga kalautan.

Ilonggo APD 2022 (Ang Pulong Sang Dios)

Pero kon mapatay na gani ang pangulo, nagabalik naman sila sa ila daan nga pagginawi nga amo ang pag-alagad kag pagsimba sa iban nga mga dios. Sobra pa ang ila pagpakasala sang sa ginhimo sang ila mga katigulangan. Indi nila gusto nga bayaan ang ila malain nga mga ginahimo kag ang pagkatig-a sang ila mga ulo.