Judges 20:22 — Compare Translations

Ilonggo (Ang Biblia (1982))

Apang ang katawohan, ang mga lalaki sang Israel, nagpangisug sa ila kaugalingon, kag nagpahamtang sing paagisud liwat sa inaway sa duug diin sila nagpahamtang sing paagisud sa nahauna nga adlaw.

Ilonggo (Maayong Balita nga Biblia (2012))

Dayon ang mga Israelinhon nagkadto sa lugar nga ginasimbahan kag naghinibi sila sa atubang sang Ginoo tubtob sa gab-i. Nagpamangkot sila sa Ginoo, “Makadto bala kami sa pagpakig-away liwat batok sa amon mga utod nga Benjaminhon?” Nagsabat ang Ginoo, “Huo, lakat kamo.” Gani nagmalig-on pa gid ang mga soldado sang mga Israelinhon, kag ginpahamtang nila liwat ang mga hangaway subong man sang ginhimo nila sang nagligad nga adlaw.

Ilonggo APD 2022 (Ang Pulong Sang Dios)

Gani nagtaklad liwat ang mga Israelinhon sa Betel kag naghilibion didto hasta maggab-i. Ginpamangkot nila ang Ginoo, “Magpakig-away pa bala kami liwat sa amon kadugo nga mga Benjaminhon?” Nagsabat ang Ginoo, “Huo, magpakig-away kamo liwat.” Gani ginpabaskog nila ang kada isa kag nagplastar liwat sila sa amo gihapon nga lugar sang una nga adlaw nga nagsalakay sila.