Judges 8:21 — Compare Translations

Ilonggo (Ang Biblia (1982))

Niyan nagsiling si Zeba kag si Zalmuna, “Tindug ka, kag magdamhag sa amon; kay kon ano ang lalaki, amo ang iya kusug.” Kag si Gideon nagtindug, kag nagpatay kay Zeba kag kay Zalmuna; kag nagkuha sang mga latilati sa mga liog sang ila mga camelyo.

Ilonggo (Maayong Balita nga Biblia (2012))

Dayon si Seba kag si Salmuna nagsiling kay Gideon, “Sigi, ikaw ang magpatay sa amon. Kinahanglan isa ka lalaki ang maghimo sini.” Gani ginpatay ni Gideon si Seba kag si Salmuna, kag ginkuha niya ang mga adorno sa liog sang ila mga kamelyo.

Ilonggo APD 2022 (Ang Pulong Sang Dios)

Nagsiling si Zeba kag si Zalmuna kay Gideon, “Ngaa indi ikaw ang magpatay sa amon? Ipakita ang pagkalalaki mo!” Gani ginpatay sila ni Gideon kag ginpakuha dayon niya ang mga dekorasyon sa liog sang ila mga camel.