Lamentations 1:7 — Compare Translations

Ilonggo (Ang Biblia (1982))

Ang Jerusalem nakadumdum sang mga adlaw sang iya kapipit-an kag sang iya pagkamakalolooy sang tanan niya nga matahum nga butang nga gikan sa dumaan nga mga adlaw. Sang naholog sa mga kamut sang kasumpung ang iya katawohan, kag wala gid sing nagtabang sa iya, ang mga kasumpung nakakita sa iya, nag-uligyat sila sa iya mga pagkamamingaw.

Ilonggo (Maayong Balita nga Biblia (2012))

Karon ang Jerusalem guba kag mamingaw, nadumdoman niya ang iya anay pagkahalangdon. Sang mahulog sia sa iya kaaway, wala sing isa nga nagbulig sa iya, ang iya mga kaaway nagkadlaw sa iya pagkapukan.

Ilonggo APD 2022 (Ang Pulong Sang Dios)

Karon nga ara sa kalisod ang Jerusalem kag nagatalang-talang, nadumduman niya ang tanan niya nga manggad sang una. Sang nahulog siya sa kamot sang iya mga kaaway, wala sing may nagbulig sa iya. Ginyaguta siya kag ginkadlawan sang iya mga kaaway sa iya pagkalaglag.