Leviticus 12:6 — Compare Translations

Ilonggo (Ang Biblia (1982))

“Kag kon matuman ang mga adlaw sang iya pagpaninlo, tungud sa anak nga lalaki ukon tungud sa anak nga babayi, magdala sia sa sacerdote sing cordero nga isa ka tuig nga sa halad-nga-sinonog, kag kuyabog nga salampati ukon tukmo nga sa halad-tungud-sa-sala sa ganhaan sang layanglayang nga tiliponan,

Ilonggo (Maayong Balita nga Biblia (2012))

“Kon tapos na ang panahon sang iya pagpaninlo, bisan ang iya bata lalaki man ukon babayi, magadala sia sa pari sa pwertahan sang Tolda sang akon presensya sing isa ka tuig nga kordero para sa halad nga sinunog kag isa ka tukmo ukon pating para sa halad tungod sa sala.

Ilonggo APD 2022 (Ang Pulong Sang Dios)

Kon tapos na ang mga inadlaw sang iya pagpakatinlo sa pagbata sang lalaki ukon babayi, magdala dayon siya sa pari didto dampi sa puwertahan sang Tolda nga Ginapakigkitaan sang isa ka tuig nga karnero bilang halad nga ginasunog kag isa ka tukmo ukon pating bilang halad sa pagpakatinlo.