Leviticus 26:36 — Compare Translations

Ilonggo (Ang Biblia (1982))

Kag nahanungud sa nabilin sa inyo, padalhan ko sing kahadluk sa ila tagiposoon sa mga duta sang ila mga kaaway; kag ang kulas sang pinalid nga dahon magalagas sa ila, kag magapalagyo sila subong sang nagapalagyo gikan sa espada, kag magakapukan sila nga walay nagalagas.

Ilonggo (Maayong Balita nga Biblia (2012))

“Pakugmaton ko gid kamo nga mga ginbihag sa bagay nga sa huni lamang sang dahon nga ginahuyop sang hangin magapalagyo na kamo. Magadalagan kamo subong nga daw ginalagas kamo sa inaway kag mapukan kamo bisan nga wala sing kaaway nga malapit sa inyo.

Ilonggo APD 2022 (Ang Pulong Sang Dios)

Kamo nga mga nagkalabilin nga buhi sa inaway, nga gindala sang inyo mga kaaway sa ila nga lugar, pahadlukon ko gid. Sa bagay nga bisan sa kalas lang sang dahon nga ginahuyop sang hangin magapalagyo kamo nga daw sa ginalagas kamo nga patyon bisan wala sing may nagalagas sa inyo. Kag samtang nagapalagyo kamo magakalabungguanay kamo kag magakalatumba. Gani indi gid kamo makabato sa inyo mga kaaway.