Luke 6:38 — Compare Translations

Ilonggo (Ang Biblia (1982))

hatag kamo, kag kamo hatagan; sukub nga maayo, dinasok, naligoligo, nga nagaawas, ihatag nila sa imo sabak. Kay sa talaksan nga ginataksan ninyo takson kamo liwat.”

Ilonggo (Maayong Balita nga Biblia (2012))

Magpanghatag kamo sa iban, kag ang Dios magahatag man sa inyo. Ang ihatag sa inyo nasukob sing maayo, nadasok, nauyog, kag nagaawas. Ang Dios magabutang sini sa imo sabak. Kay ang ginagamit ninyo nga talaksan para sa iban amo man ang talaksan sang Dios para sa inyo.”

Ilonggo APD 2022 (Ang Pulong Sang Dios)

Maghatag kamo para pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”