Malachi 3:5 — Compare Translations

Ilonggo (Ang Biblia (1982))

“Niyan magapalapit ako sa inyo sa paghukom; manginsaksi ako nga madagmit batok sa mga diwatahan, batok sa mga makihilahion, batok sa mga palasumpa sing butig, batok sa mga nagapigus sang sinoholan sa iya mga sohol, sang balo nga babayi kag sang ilo, sa nagapatalang sang manlulugayaw sa iya kinamatarung, kag wala nagakahadluk sa akon, nagasiling ang Ginoo sang mga kasoldadosan.

Ilonggo (Maayong Balita nga Biblia (2012))

Ang Ginoo sang mga hangaway nagasiling, “Kadtuan ko kamo sa paghukom sa inyo, kag magasaksi ako sa gilayon batok sa mga manugbabaylan, batok sa nagapanginlalaki ukon nagapanginbabayi, batok sa mga nagasaksi sing kabutigan, batok sa mga nagapangdaya sa mga sweldo sang ila mga sinuholan, kag batok sa mga nagapamintaha sa mga balo, sa mga ilo kag mga dumoluong, kag batok sa mga wala nagatahod sa akon.

Ilonggo APD 2022 (Ang Pulong Sang Dios)

Nagsiling ang Ginoo nga Makagagahom sa mga Israelinhon, “Magaabot ako sa paghukom sa inyo. Magasaksi ako gilayon kontra sa mga babaylan, sa mga nagapanginbabayi ukon sa mga nagapanginlalaki, sa mga nagasaksi sang butig, sa mga nagaabuso sa mga trabahador kag sa mga balo nga babayi kag mga ilo, kag sa mga nagabaliwala sa kinamatarong sang mga pangayaw. Himuon ko ini sa inyo nga wala nagatahod sa akon.”