Mark 13:34 — Compare Translations

Ilonggo (Ang Biblia (1982))

Kaangay sa tawo nga nagapanlakatan sa malayong duta, sang ginbayaan niya ang iya balay kag ginhatag sa iya mga ulipon ang pagbulut-an, sa tagsatagsa ang iya buluhaton, nagsogo man sa manugbantay sang gawang sa pagbantay.

Ilonggo (Maayong Balita nga Biblia (2012))

Manginkaangay ini sang isa ka tawo nga nagpanglakaton sa malayo. Sa wala pa sia makahalin, gintugyan niya sa iya mga suloguon ang pag-atipan sang iya balay, ang tagsatagsa may iya nga kaugalingon nga hilikuton. Kag nagsugo sia sa manugbantay sang pwertahan sa pagbantay.

Ilonggo APD 2022 (Ang Pulong Sang Dios)

Pareho man ini sa tawo nga naglakat sa malayo nga lugar. Antes siya maghalin sa iya balay, ginbilinan niya sang mga ulobrahon ang tagsa niya ka ulipon kag ginhambalan ang guwardya sa puwertahan nga magbantay sa iya nga pag-abot.