Matthew 21:32 — Compare Translations

Ilonggo (Ang Biblia (1982))

Kay nagkari si Juan sa inyo sa dalan sang pagkamatarung, kag wala kamo magtoo sa iya, apang ang mga manugsukot sang buhis kag ang makihilawason nga mga babayi nagtoo sa iya; kag bisan nakita ninyo ini, wala gid kamo maghinulsul sang olihi kag magtoo sa iya.

Ilonggo (Maayong Balita nga Biblia (2012))

Kay si Juan nga manugbautiso nag-abot kag nagtudlo sa inyo sang husto nga dalan, kag wala kamo magpati sa iya, pero ang mga manugsukot sang buhis kag ang malain nga mga babayi nagpati sa iya. Bisan pa nakita ninyo ini, wala gid magliso ang inyo mga hunahuna kag magpati sa iya.

Ilonggo APD 2022 (Ang Pulong Sang Dios)

Kay si Juan nga manugbautiso nagkadto diri kag nagtudlo sa inyo sang husto nga paagi para mangin matarong kamo, pero wala kamo nagpati sa iya. Ang mga manugsukot sang buhis kag ang mga babayi nga nagbaligya sang ila lawas nagpati sa iya. Kag bisan nakita ninyo ini, wala gid kamo nagbag-o sang inyo hunahuna kag nagpati sa iya.”