Nahum 3:5 — Compare Translations

Ilonggo (Ang Biblia (1982))

Yari karon ako batok sa imo, nagasiling ang Ginoo sang mga kasoldadosan, kag buksan ko ang imo sayasaya sa imo nawung; kag ipakita ko sa mga pungsud ang imo kahubo kag sa mga ginharian ang imo kahuluy-an.

Ilonggo (Maayong Balita nga Biblia (2012))

Ang Ginoo sang mga hangaway nagasiling, “Silutan ko ikaw, Ninive! Hublasan ko ikaw kag patan-awon ko sa imo ang mga pungsod, patan-awon sa imo sa bug-os mo nga kahuloy-an.

Ilonggo APD 2022 (Ang Pulong Sang Dios)

Karon, nagasiling ang Ginoo nga Makagagahom, “Pamati kamo nga mga taga-Nineve! Kontra ko kamo! Gani pakahuy-an ko kamo sa iban nga mga nasyon kag mga ginharian pareho sang babayi nga gin-alsa ang iya bayo hasta sa ulo kag nakita ang iya pagkahublas.