Nehemiah 12:36 — Compare Translations

Ilonggo (Ang Biblia (1982))

kag ang iya mga himata, sila ni Semaya, Azarel, Milalai, Gilalai, Maai, Natanael, Juda, kag Hanani, nga may mga tulunggon ni David nga tawo sang Dios; kag si Esdras nga escriba nahauna sa ila.

Ilonggo (Maayong Balita nga Biblia (2012))

Ang nagasunod sa iya amo ang iban nga mga katapo sang iya barangay nga amo sanday Semaya, Azarel, Milalai, Gilalai, Maai, Netanel, Juda, kag Hanani. Ini sila tanan may gindala nga ginpatunog nga mga galamiton nga kaangay sang gintukaran ni Haring David, ang tawo sang Dios. Si Esdras nga manunodlo sang kasugoan amo ang nagapanguna sa ila sa prosesyon.

Ilonggo APD 2022 (Ang Pulong Sang Dios)

Nagasunod man kay Zacarias ang iya mga kaupod nga sila ni Shemaya, Azarel, Milalai, Gilalai, Maai, Netanel, Juda, kag Hanani. May dala sila nga mga instrumento pareho sang mga ginpangtukar sadto ni Haring David nga alagad sang Dios. Ini nga grupo ginapangunahan ni Ezra nga manunudlo sang Kasuguan.