Nehemiah 7:3 — Compare Translations

Ilonggo (Ang Biblia (1982))

Kag nagsiling ako sa ila, “Dili pagbuksan ang mga gawang sang Jerusalem tubtub nga mag-init ang adlaw; kag samtang nagabantay sila takpan nila ang mga ganhaan kag pintalan nila sila. Magtangdo sing mga bantay sang mga pumuluyo sang Jerusalem, ang tagsatagsa sa iya balantayan kag ang tagsatagsa sa atubang sang iya balay.”

Ilonggo (Maayong Balita nga Biblia (2012))

Ginsingganan ko sila nga indi nila pagbuksan ang mga pwerta sang Jerusalem kon aga sa wala pa magtaas ang adlaw, kag sa pagsira kag sa pagtrangka sini sa wala pa magpauli ang mga gwardya sa hapon. Ginsingganan ko man sila nga magpili sila sing mga gwardya gikan sa mga tawo nga nagaestar sa Jerusalem kag ibutang sila sa ila mga balantayan kag ang iban sa pagpatrolya sang lugar sa palibot sang ila mga balay.

Ilonggo APD 2022 (Ang Pulong Sang Dios)

Nagsiling ako sa ila, “Indi ninyo pagpabay-an nga bukas ang mga puwertahan sang siyudad kon udtong-adlaw, bisan may mga guwardya pa nga nagabantay. Dapat siradhan gid ini kag kandaduhan. Magbutang man kamo sang mga guwardya halin sa mga pumuluyo sang Jerusalem. Ang iban sa ila ibutang sa pader sang siyudad nga malapit sa ila mga balay, kag ang iban naman ibutang sa iban pa nga parte sang pader.”