Numbers 15:38 — Compare Translations

Ilonggo (Ang Biblia (1982))

“Ipamolong sa katawohan sang Israel, kag sogoa sila sa paghimo sing mga plikos sa mga sidsid sang ila mga panapton sa bug-os nila nga mga kaliwatan, kag nga butangan nila ang plikos sa tagsa ka sidsid sing lubid nga asul;

Ilonggo (Maayong Balita nga Biblia (2012))

“Singgana ang mga tawo sang Israel: Maghimo kamo sing mga plikos sa mga sidsid sang inyo mga bayu kag butangan sing lubid nga asol ang tagsa ka plikos. Kinahanglan himuon ninyo ini sa tanan nga panahon nga palaabuton.

Ilonggo APD 2022 (Ang Pulong Sang Dios)

nga ihambal ini sa mga Israelinhon: “Maghimo kamo sang mga gaway-gaway sa punta sang inyo mga bayo kag butangan ninyo ini sang higot nga asol. Kinahanglan nga sundon ninyo ini hasta san-o.