Numbers 28:14 — Compare Translations

Ilonggo (Ang Biblia (1982))

Ang ila mga halad-nga-ilimnon mangintunga sa hin nga alak sa isa ka tinday nga baka, kag ang ikatlo nga bahin sang isa ka hin tungud sa carnero, kag ang ikap-at nga bahin sang hin tungud sa cordero; ini amo ang halad-nga-sinonog sa tagsa ka bulan sa tanan nga bulan sang tuig.

Ilonggo (Maayong Balita nga Biblia (2012))

Ang nagakaigo nga halad nga ilimnon amo ang duha ka litro nga bino upod sa tagsa ka torite nga baka, isa kag tunga ka litro nga bino upod sa karnero nga lalaki, kag isa ka litro nga bino upod sa tagsa ka kordero. Amo ini ang pagsulondan para sa halad nga sinunog sa nahauna nga adlaw sang tagsa ka bulan sa bug-os nga tuig.

Ilonggo APD 2022 (Ang Pulong Sang Dios)

Ang kada bataon nga baka lakipan sang halad nga ilimnon nga duha ka litro nga bino. Ang gulang nga karnero lakipan sang isa kag tunga ka litro nga bino. Kag ang kada bataon nga karnero lakipan sang isa ka litro nga bino. Amo ini ang binulan nga halad nga ginasunog nga inyo pagahimuon sa kada umpisa sang bulan sa bilog nga tuig.