Numbers 35:15 — Compare Translations

Ilonggo (Ang Biblia (1982))

Ini nga anum ka banwa mangindalangpan sa katawohan sang Israel, kag sa dumuloong kag sa manlulugayaw sa tunga nila, agud nga magpalagyo didto ang tagsatagsa nga nakapatay sing bisan sin-ong tawo sing dihungud.

Ilonggo (Maayong Balita nga Biblia (2012))

Ini mangindalangpan nga mga siudad para sa mga Israelinhon kag mga dumoluong nga permanente nga mga pumoluyo ukon umalagi lamang. Ang bisan sin-o nga makapatay sing indi hungod makadangop sa isa sining mga siudad.

Ilonggo APD 2022 (Ang Pulong Sang Dios)

Ining anom ka banwa mangin dalangpan indi lamang sang mga Israelinhon, kundi pati man sang mga pangayaw nga nagaestar upod sa ila, para ang bisan sin-o sa ila nga makapatay nga indi hungod makapalagyo sa sina nga mga banwa.