Revelation 2:14 — Compare Translations

Ilonggo (Ang Biblia (1982))

Apang may pila ka butang ako batok sa imo: may dira sa imo nga nagahuput sang pagtolon-an ni Balaam, nga nagtudlo kay Balac sa pagbutang sing kasandaran sa atubangan sang mga anak sang Israel, sa pagkaon sang kalan-on nga ginhalad sa mga diosdios kag sa pagkamakihilawason.

Ilonggo (Maayong Balita nga Biblia (2012))

may pila ka mga butang nga nasawayan ako sa imo: may yara dira sa imo nga nagasunod sang pagtulon-an ni Balaam, nga nagtudlo kay Balak kon paano masulay ang mga Israelinhon sa pagpakasala, paagi sa paghaylo sa ila sa pagkaon sang mga kalan-on nga ginhalad sa mga diosdios kag sa pagpakighilawas.

Ilonggo APD 2022 (Ang Pulong Sang Dios)

Pero ari ang pila ka butang nga akon nasawayan sa inyo: may dira sa inyo nga nagasunod sa mga pagpanudlo ni Balaam. Si Balaam nga ini nagtudlo kay Balak kon paano ang pagtentar sa mga Israelinhon para magpakasala sila paagi sa pagkaon sang mga kalan-on nga ginhalad sa mga dios-dios kag paagi sa paghimo sang imoral nga pagpakigrelasyon.