Revelation 2:17 — Compare Translations

Ilonggo (Ang Biblia (1982))

Ang may idulungug, magpamati sang ginasiling sang Espiritu sa mga iglesia. Ang nagadaug hatagan ko sang mana nga tinago, kag hatagan ko sia sing bato nga maputi, nga sa bato nasulat ang bag-ong ngalan nga walay nakahibalo kondi ang nagabaton sini.’

Ilonggo (Maayong Balita nga Biblia (2012))

“Gani ang may mga dulonggan, magpamati sa ginasiling sang Espiritu sa mga iglesia! “Sa mga nagdalaog hatagan ko sang mana nga tinago. Hatagan ko man ang kada-isa sa ila sang puti nga bato, nga nasulatan sang bag-o nga ngalan, nga wala sing may nakahibalo, kundi ang nakabaton lamang sini.

Ilonggo APD 2022 (Ang Pulong Sang Dios)

“Kamo nga nagapamati, dapat intiendihon gid ninyo ang ginasiling sang Espiritu Santo sa mga iglesya. “Ang mga mandadaog hatagan ko sang pagkaon nga akon ginatigana didto sa langit. Ang kada isa sa ila hatagan ko man sang puti nga bato, kag sa kada bato may nasulat nga bag-o nga ngalan nga wala sing may makahibalo luwas lang sa magabaton sina.