Revelation 4:1 — Compare Translations

Ilonggo (Ang Biblia (1982))

Sa tapus sini nagtolok ako, kag yari karon, ang ganhaan nga nabuksan sa langit! Kag ang nahauna nga tingug, nga akon nabatian nga nagapakighambal sa akon subong sang budyong, nagsiling, “Saka diri, kag ipakita ko sa imo ang mahanabu sa olihi sini.”

Ilonggo (Maayong Balita nga Biblia (2012))

Sa tapos sini, may isa pa gid ako ka palanan-awon, kag may nakita ako nga isa ka pwertahan nga nabuksan sa langit. Kag ang tingog nga daw tunog sang trumpeta nga akon man anay nabatian nga naghambal sa akon, nagsiling, “Saka ka diri kag ipakita ko sa imo ang dapat mahanabo sa tapos sini.”

Ilonggo APD 2022 (Ang Pulong Sang Dios)

Pagkatapos sadto, may ginpakita pa gid sa akon. Nakita ko ang puwertahan sa langit nga naabrihan. Kag nabatian ko liwat ang tingog nga pareho sa tunog sang trumpeta. Nagsiling siya sa akon, “Saka ka diri kag ipakita ko sa imo kon ano ang magakalatabo sa palaabuton.”