Romans 3:5 — Compare Translations

Ilonggo (Ang Biblia (1982))

Apang kon ang aton pagkadimatarung nagapakilala sang pagkamatarung sang Dios, ano bala ang aton isiling? Dimatarung bala ang Dios nga nagapaduaw sa aton sing kasingkal? (Nagahambal ako sing tawohanon.)

Ilonggo (Maayong Balita nga Biblia (2012))

Pero ano karon kon ang aton paghimo sing malain nagapakita pa gid sing maathag sa mga tawo nga ang Dios nagahimo sing matarong? Ano ang sarang naton masiling? Indi bala matarong ang ginahimo sang Dios kon iya kita ginasilutan? (Nagahambal ako subong tawo lamang.)

Ilonggo APD 2022 (Ang Pulong Sang Dios)

Karon, basi may magsiling, “Kon ikomparar ang amon ginahimo nga malain sa ginahimo sang Dios, makita nga maayo ang Dios. Gani kon makita ang kaayo niya tungod sa amon ginahimo nga malain, indi matarong ang Dios kon ipaagom niya ang iya kaakig sa amon tungod sa amon ginahimo.” Ina tawhanon lang nga mga rason.