Romans 4:16 — Compare Translations

Ilonggo (Ang Biblia (1982))

Sa sining kabangdanan ang tanan paagi sa pagtoo, agud nga ang saad manginsono sa bugay kag mapalig-on sa tanan niya nga kaliwatan—indi lamang sa mga sa kasogoan kondi man sa mga sa pagtoo ni Abraham, kay sia amay naton tanan,

Ilonggo (Maayong Balita nga Biblia (2012))

Gani, ang saad napasad sa pagtuo, agod nga mangingarantiya ini subong isa ka regalo sang Dios para sa tanan nga mga kaliwat ni Abraham—indi lamang sa mga nagatuman sang Kasugoan, kundi man sa mga nagatuo subong kay Abraham. Kay si Abraham amo ang amay nga espirituhanon naton tanan.

Ilonggo APD 2022 (Ang Pulong Sang Dios)

Gani ang promisa sang Dios ginabasi sa pagtuo, para mangin regalo sang Dios kag mangin pamatuod nga ini mabaton sang tanan nga kaliwat ni Abraham—indi lamang sa mga Judio nga nasakop sa Kasuguan kundi sa mga indi Judio nga nagatuo man pareho kay Abraham. Kay si Abraham amo ang amay sang tanan nga nagatuo, Judio man ukon indi.