Zechariah 14:10 — Compare Translations

Ilonggo (Ang Biblia (1982))

Ang bug-os nga duta himoon nga kaangay sa Araba kutub sa Geba tubtub sa Rimon sa bagatnan sang Jerusalem. Apang pataason sia kag magapuyo sa iya duug kutub sa Gawang ni Benjamin tubtub sa duug sang nahaunang gawang, tubtub sa Gawang sa Pamusud, kag kutub sa Torre ni Hananel tubtub sa mga linasan sang uvas sang hari.

Ilonggo (Maayong Balita nga Biblia (2012))

Ang bug-os nga duta sa palibot sang Jerusalem pagatapanon halin sa Geba sa aminhan tubtob sa Rimon sa bagatnan. Ang Jerusalem magalabaw sa mga duta sa palibot sini kag ang siudad magalambot halin sa Pwerta ni Benjamin tubtob sa Pamusod nga Pwerta sa diin may pwerta anay, kag halin sa Tore ni Hananel tubtob sa mga pulogaan sang ubas sang hari.

Ilonggo APD 2022 (Ang Pulong Sang Dios)

Pagatapanon ang bilog nga duta halin sa Geba sa north pakadto sa Rimmon sa south sang Jerusalem. Gani magalabaw ang Jerusalem sa iya nahamtangan. Kag pagaestaran ini halin sa Puwertahan ni Benjamin pakadto sa lugar nga sa diin ara ang Una nga Puwertahan, kag pakadto sa Pamusod nga Puwertahan; kag halin sa Tore ni Hananel pakadto sa pulugaan sang ubas sang hari. Indi na gid paglaglagon liwat ang Jerusalem, kag ang mga pumuluyo sini magaestar nga luwas sa katalagman.