Zechariah 14:12 — Compare Translations

Ilonggo (Ang Biblia (1982))

Kag mangin-amo ini ang kalalat-an nga isakit sang Ginoo sa tanan nga mga katawohan nga nagpakig-away sa Jerusalem: ang ila unud mahagas samtang nagatindug sila, ang ila mga mata mahagas sa ila mga boho, kag ang ila mga dila mahagas sa ila mga baba.

Ilonggo (Maayong Balita nga Biblia (2012))

Ang Ginoo magapadala sing makahalalit nga balatian sa tanan nga mga pungsod nga nagapakig-away sa Jerusalem. Ang ila unod magakadunot samtang buhi pa sila kag ang ila mga mata kag dila magakadunot man.

Ilonggo APD 2022 (Ang Pulong Sang Dios)

Amo ini ang kahalitan nga ipadala sang Ginoo sa tanan nga nasyon nga nagpakig-away sa Jerusalem: Magakadunot ang ila lawas, mata kag dila samtang buhi pa sila.