Zechariah 5:3 — Compare Translations

Ilonggo (Ang Biblia (1982))

Niyan nagsiling sia sa akon, “Ini amo ang pagkamalaut nga nagagowa sa kadaygan sang bug-os nga duta; kay ang tagsatagsa nga nagapangawat utdon sa isa ka kilid sono sa sini, kag ang tagsatagsa nga nagasumpa utdon sa pihak nga kilid sono sa sini.

Ilonggo (Maayong Balita nga Biblia (2012))

Dayon nagsiling sia sa akon, “Sa sini nga tulon-an nasulat ang pagpakamalaut nga magaabot sa bug-os nga duta. Sa pihak sang tulon-an nagasiling nga ang tagsa ka makawat pagadulaon sa duta, kag sa pihak nagasiling nga ang tagsatagsa nga nagasumpa sing binutig pagadulaon man.

Ilonggo APD 2022 (Ang Pulong Sang Dios)

Dayon nagsiling ang anghel sa akon, “Nasulat sa sini nga kasulatan ang pagpakamalaot nga magaabot sa bilog nga duta sang Israel. Sa pihak sang kasulatan nagasiling nga ang tagsa ka makawat pagadulaon sa Israel, kag sa pihak naman nagasiling nga ang kada isa nga nagasumpa sing butig pagadulaon man.