Zechariah 9:15 — Compare Translations

Ilonggo (Ang Biblia (1982))

Ang Ginoo sang mga kasoldadosan magaapin sa ila, kag magalamon sila kag magatapak sang mga bato sang labyog; kag magainum sila kag magagahud subong sang sa alak, kag pun-on sila kaangay sang mga yahong, kaangay sang mga pamusud sang halaran.

Ilonggo (Maayong Balita nga Biblia (2012))

Ang Ginoo sang mga hangaway magaapin sang iya mga tawo, kag laglagon nila ang ila mga kaaway. Sa inaway magasinggit sila kaangay sang mga hubog, kag magapaagay sang dugo sang ila mga kaaway, magaagay ini kaangay sang dugo sang halad nga gin-ula sa altar gikan sa yahong.

Ilonggo APD 2022 (Ang Pulong Sang Dios)

Protektaran sang Ginoo nga Makagagahom ang iya katawhan. Tasak-tasakon lang nila ang mga bato nga ginalabyog sa ila sang ila mga kaaway. Magakinaon sila kag magaininom sa pagselebrar sang ila kadalag-an. Magahinugyaw sila nga daw sa mga hubog. Mapuno ang ila tiyan sang ilimnon pareho sang yahong nga puno sang dugo nga ginawisik-wisik sa mga corner sang halaran.