Zephaniah 2:15 — Compare Translations

Ilonggo (Ang Biblia (1982))

Amo ini ang banwa nga malipayon nga nagpuyo sing patarasak, nga nagsiling sa iya tagiposoon, “Ako lamang kag wala na sing iban luwas sa akon.” Daw ano nga nagmingaw sia, isa ka duug nga lulukhan sang kasapatan! Ang tagsatagsa nga nagalabay sa iya magapanagutsut kag magabalabad sang iya kamut.

Ilonggo (Maayong Balita nga Biblia (2012))

Amo ini ang matabo sa siudad nga nagapabugal sang iya gahom kag nagahunahuna nga indi sia maano. Ang iya mga tawo nagahunahuna nga ang ila siudad amo ang pinakagamhanan sa bug-os nga kalibutan. Manginmamingaw ini nga lugar, isa ka lugar sa diin ang talunon nga mga sapat magapahuway! Ang tagsatagsa nga nagaagi magapalangupos sa kahadlok.

Ilonggo APD 2022 (Ang Pulong Sang Dios)

Amo ina ang matabo sa siyudad sang Nineve, nga ang iya mga pumuluyo nagapabugal nga wala sing may mag-ano sa ila, kag nagasiling sila sa ila kaugalingon, ‘Wala na sang iban pa nga pareho sa aton kagamhanan!’ Pero malaglag sing bug-os ini nga siyudad kag pagaestaran na lang sang talunon nga mga sapat. Kag ang tanan nga tawo nga magaagi sa sina nga siyudad magapakita sang ila pagyaguta sa iya.”