1 Samuel 17:25 — Compare Translations

Hmong Bible (Vajtswv Txojlus 2000)

Lawv sib tham hais tias, “Nej sim ntsia saib! Nej cia li mloog tej lus uas nws khav! Vajntxwv Xa-ules hais tias, yog leejtwg mus tua tau nws, vajntxwv yuav muab nqi zog ntau thiab muab nws tus ntxhais rau tus ntawd yuav, thiab nws txiv tsevneeg yuav tsis tau them se.”

Hmong Bible 2004

Cov Yixayee sib tham hais tias, “Nej twb pom tus yawg uas tawm tuaj ntawd lawm lov? Nws tawm tuaj twv ntxhias cov Yixayee tiag tiag li. Yog leejtwg tua tau nws, vajntxwv yuav muab nyiaj txiag ntau nplua mias thiab muab vajntxwv tus ntxhais rau tus ntawd yuav, thiab pub kom nws txiv tsev neeg tsis txog them se rau hauv cov Yixayee.”