Acts 28:23 — Compare Translations

Hmong Bible (Vajtswv Txojlus 2000)

Lawv txawm teem ib lub sijhawm yuav nrog Paulus tham. Thaum txog lub sijhawm ntawd, muaj neeg coob coob tuaj cuag Paulus hauv lub tsev uas Paulus nyob. Paulus qhia cov neeg uas tuaj ntawd ib hnub tsaus ntuj. Nws qhia txog Vajtswv lub Tebchaws. Nws muab tej lus uas Mauxes thiab cov cev Vajtswv lus sau tseg lawm qhia rau lawv kom lawv los ntseeg Yexus.

Hmong Bible 2004

Thaum lawv teem dua ib hnub tuaj ntsib nws, muaj neeg coob tuaj cuag nws hauv nws lub chaw nyob. Nws txawm qhia lawv txij thaum tagkis mus txog tsaus ntuj. Nws ua timkhawv txog Vajtswv lub tebchaws thiab muab tej lus hauv Mauxe phau kevcai thiab hauv cov xibhwb cev Vajtswv lus phau ntawv los qhia yaum kom lawv los ntseeg Yexus.