Amos 6:10 — Compare Translations

Hmong Bible (Vajtswv Txojlus 2000)

Tus tuag ntawd ib tug kwvtij uas saib kev pam tuag yuav tuaj coj tus tuag tawm hauv tsev mus. Nws yuav nug cov neeg uas nyob hauv lub tsev ntawd hais tias, “Puas muaj lwm tus nrog nej nyob thiab?” Ces lawv yuav teb hais tias, “Tsis muaj.” Ces tus kwvtij ntawd yuav hais tias, “Ua twjywm! Peb yuav tsum ceevfaj tsis txhob tuav tus TSWV lub npe li.”

Hmong Bible 2004

Thaum leejtwg li kwvtij tuaj muab tej cev tuag hlawv es yuav nqa tej pob txha tawm hauv tsev, thiab hais rau tus uas nyob chav hauv lub plawv tsev ntawd tias, “Puas tshuav leejtwg nrog koj nyob thiab?” tus ntawd yuav teb tias “Tsis tshuav.” Mas nws yuav hais tias, “Nyob twjywm, tsis txhob hais txog Yawmsaub lub npe kiag li.”