Daniel 11:25 — Compare Translations

Hmong Bible (Vajtswv Txojlus 2000)

“Nws muaj lub siab tawv thiab txhij tubrog coob heev mus ntaus tus vajntxwv uas kav lub tebchaws Iziv, thiab nws tsis ntshai leejtwg li. Cov Iziv tus vajntxwv los yuav txhij cov tubrog uas ua tau tshaj thiab muaj zog khov kho tuaj tiv thaiv, tiamsis cov Iziv tus vajntxwv yuav tua tsis yeej raws li nws siab xav, rau qhov nws raug luag dag ntxias xwb.

Hmong Bible 2004

Nws yuav cuab nws lub zog thiab ua lub siab tuab txhij tub rog coob coob mus ua rog rau tus vajntxwv sab nrad. Mas tus vajntxwv sab nrad yuav coj tub rog coob muaj zog heev tuaj ua rog, tiamsis nws yuav kov tsis yeej vim yog luag ntaus tswvyim phem rau nws.