Daniel 12:1 — Compare Translations

Hmong Bible (Vajtswv Txojlus 2000)

Tus timtswv ceebtsheej uas hnav cev ris tsho ntaubmag hais tias, “Lub sijhawm ntawd Mikhayees uas yog tus timtswv ceebtsheej uas muaj hwjchim loj uas tsomkwm koj haivneeg yuav los. Thaum ntawd yuav muaj kev txomnyem kawg nkaus. Txij thaum chiv muaj neeg los mus txog niaj hnub no yeej tsis tau muaj dua kev txomnyem loj npaum li zaum no. Thaum txog lub sijhawm ntawd koj haivneeg txhua tus uas muaj npe sau rau hauv Vajtswv phau ntawv yuav dim.

Hmong Bible 2004

“Thaum ntawd Mikha‑ee uas yog tus thawj loj uas tsom kwm koj haiv neeg yuav sawv los. Thaum ntawd yog lub sijhawm uas raug txom nyem ceeblaj loj uas txij thaum muaj neeg nyob los txog thaum ntawd tsis tau txeev muaj dua li. Tiamsis lub sijhawm ntawd koj haiv neeg yuav dim, yog txhua tus uas muaj npe sau rau hauv ntawv.