Daniel 7:9 — Compare Translations

Hmong Bible (Vajtswv Txojlus 2000)

Thaum kuv tseem saib ntsoov tus tsiaj ntawd, muaj neeg nqa tej zwmtxwv los txawb rau qhov ntawd. Ces tus uas muaj sia nyob ibtxhis txawm los zaum saum cov zwmtxwv ntawd ib lub. Nws cev ris tsho dawb paug ib yam li cov daus thiab nws cov plaubhau dawb ib yam li cov plaub yaj. Nws lub zwmtxwv muaj nplaim taws cig laim lias, thiab lub zwmtxwv cov log los muaj nplaim taws cig laim lias thoob plaws.

Hmong Bible 2004

“Thaum kuv tabtom ntsia ntsoov txawm muaj ntau lub zwm txwv raug muab txawb cia, thiab tus uas ib txwm muaj nyob los zaum. Nws cev tsoos dawb yam li daus xib daus npu, nws plaubhau saum taubhau zoo yam li cov tseem plaub yaj. Nws lub zwm txwv yog nplaim taws cig plaws, cov log tsheb ntawm lub zwm txwv yog hluavtaws cig laim pes lias.