Exodus 12:48 — Compare Translations

Hmong Bible (Vajtswv Txojlus 2000)

tiamsis tsis pub cov txivneej uas tsis tau ua kevcai txiav tawv noj rooj mov no li. Yog cov neeg txawv tebchaws uas nrog nej nyob tus twg xav nrog nej koom ua Kevcai Hla Dhau ua tus TSWV tsaug, nej yuav tsum xub muab nws tsevneeg txhua tus txivneej ua kevcai txiav tawv tso, nej mam li pub nws nrog nej noj. Nws yuav tsum ua kevcai txiav tawv ib yam li tus uas yug hauv tsevneeg Yixalayees.

Hmong Bible 2004

Thaum muaj lwm haiv neeg los nrog nej nyob thiab xav ua kevcai hla dhau xyeem rau Yawmsaub, kuj kom nws cov txivneej sawvdaws ua kevcai txiav tso, nws li tuaj ze thiab ua kevcai tau. Nws thiaj zoo ib yam li cov uas yug rau hauv lub tebchaws. Tiamsis cov uas tsis tau ua kevcai txiav mas tsis txhob noj kiag li.