Ezekiel 20:31 — Compare Translations

Hmong Bible (Vajtswv Txojlus 2000)

Txawm yog nimno los nej tseem muab khoom thiab muab nej tej menyuam tua hlawv fij rau mlom, thiab ua rau nej tsis huv ib yam li nej cov yawgkoob. Nej cov Yixalayees tseem nug hais tias kuv nyiam li cas! Kuv yog tus TSWV uas kav ib puas tsav yam thiab yog Vajtswv tus uas muaj sia nyob, kuv yuav tsis pub nej nug ib yam dabtsi li.

Hmong Bible 2004

Thaum nej muab qhov txhia chaw pub rau dab thiab muab nej tej tub hlawv xyeem rau dab, mas nej tej dab mlom huvsi ua rau nej qias puas tsuas los txog niaj hnub nimno. Au cov Yixayee 'e, nej tseem yuav ua nug rau kuv lov? Vajtswv Yawmsaub hais tias, kuv yeej muaj txojsia nyob, mas kuv yuav tsis kheev nej ua nug rau kuv kiag li.