Ezekiel 38:4 — Compare Translations

Hmong Bible (Vajtswv Txojlus 2000)

Kuv yuav muab nws tig rov qab thiab muab nuv chob nws lub puabtsaig, cab nws, nws cov tubrog, nws cov nees thiab cov tubrog caij nees rov qab. Cov tubrog ntawd coob heev, lawv coj cuabyeej ua rog: coj daim thaiv hniav ntaj, sia siv thiab coj ntaj.

Hmong Bible 2004

Kuv yuav ua rau koj tig rov qab thiab yuav muab nqe lauj nqe koj lub qhov ncauj, kuv yuav cab koj thiab koj tej tub rog huvsi thiab tej nees thiab tej tub rog caij nees tawm mus. Sawvdaws puavleej hnav ris tsho ua rog txhij zog, ua ib pab tub rog coob heev, txhua tus muaj daim hlau loj uas tiv thaiv thiab daim hlau me, thiab tuav rawv ntaj.