Haggai 1:14 — Compare Translations

Hmong Bible (Vajtswv Txojlus 2000)

Tus TSWV tshoov Xelunpanpees uas yog tus tswvxeev uas kav lub xeev Yudas, Yausuas uas yog tus Povthawj Hlob, thiab tagnrho cov neeg uas raug luag ntes mus thiab tau rov los siab kom lawv txhua tus txhim kho lub Tuamtsev. Lawv thiaj pib txhim kho tus TSWV uas yog lawv tus Vajtswv uas muaj hwjchim loj kawg nkaus lub Tuamtsev,

Hmong Bible 2004

Thiab Yawmsaub ua rau Se‑athi‑ee tus tub Xelunpanpee uas ua thawj kav lub xeev Yuda thiab Yehauxada tus tub Yausua uas ua tus tuam pov thawj hlob, thiab cov peejxeem uas tseem tshuav nyob sawvdaws kub siab lug mas lawv thiaj tuaj ua lawv tus Vajtswv Yawmsaub uas muaj hwjchim loj kawg nkaus lub tuam tsev,