Isaiah 30:6 — Compare Translations

Hmong Bible (Vajtswv Txojlus 2000)

Ntawm no yog cov lus uas Vajtswv hais rau cov tsiaj nram tiaj suabpuam hais tias, “Cov nomtswv taug kev mus hla hauv lub tebchaws uas muaj kev txhawj ntshai, muaj tsov ntxhuav, muaj nab thiab muaj tej zaj uas txawj ya nyob. Lawv muab lawv tej khoom muaj nqis rau lawv tej neesluav thiab ntxhuav thauj mus pub haivneeg uas pab tsis tau lawv.

Hmong Bible 2004

Tej lus uas hais txog tsiaj qus hauv Neke. Cov Yuda tej nom tswv xuas nees luav thauj lawv tej nyiaj txiag thiab lawv thauj lawv tej cuab txhiaj cuab tam saum ntxhuav lub ntsov taug kev hla lub tebchaws uas ceeblaj kawg thiab nyuaj kawg nkaus, uas muaj maum tsov ntxhuav txiv tsov ntxhuav, muaj tej nab muaj taug thiab muaj zaj txawj ya nyob, mus txog ib haiv neeg uas tsis muaj qabhau rau lawv,