Jeremiah 34:17 — Compare Translations

Hmong Bible (Vajtswv Txojlus 2000)

Yog li ntawd, nimno kuv uas yog tus TSWV hais rau nej hais tias nej yeej tsis mloog kuv lus; nej tsis tso nej tej kwvtij Henplais kom dim kev ua qhev. Yog li ntawd, kuv yuav tso nej nyob ywjpheej: yog kev ywjpheej mus tuag rau hauv tshavrog, tuag rau kev tshaib kev nqhis thiab tuag rau kab mob kev nkeeg. Kuv yuav ua kom txhua haivneeg thoob ntiajteb ntshai vim tej uas kuv ua rau nej.

Hmong Bible 2004

“Vim li no, Yawmsaub thiaj li hais tias, Nej tsis mloog kuv lus yog qhov uas nyias tshaj tawm rau nyias tej kwvtij zej zog txog qhov uas nyob ywj pheej. Yawmsaub hais tias, Saib maj, kuv tshaj tawm kom hniav ntaj hniav riam thiab kev tshaib nqhis thiab mob kis muaj kev ywj pheej tua nej. Kuv yuav ua rau nej ua chaw rau ib tsoom tebchaws sawvdaws hauv ntiajteb ceeb thiab ntshai.