Jeremiah 41:16 — Compare Translations

Hmong Bible (Vajtswv Txojlus 2000)

Yauhanas thiab cov thawj tubrog uas nrog nws mus thiaj coj cov neeg uas Yisamayees ntes hauv Mixepas mus rov qab los, tom qab uas Nkedaliyas raug tua tuag lawm, tsis hais cov tubrog, cov pojniam menyuam thiab cov neeg uas ua haujlwm hauv vajntxwv lub loog rov qab hauv Nkinpe-oos los.

Hmong Bible 2004

Mas Khale‑a tus tub Yauhanas thiab cov thawj tub rog uas nrog nws ua ke coj cov pejxeem sawvdaws uas Nethaniya tus tub Yisama‑ee tau ntes coj hauv Mixapa mus lawm rau thaum uas nws tua Ahikhas tus tub Kedaliya, lawv yog cov tub rog, thiab tej pojniam menyuam thiab tej nraug sam uas Yauhanas coj ntawm Kinpe‑oo rov los.